Pera

by Kat Ongoco

Bakit ang hirap gumalaw

sa tuwing ang bulsa'y

walang buo o barya,

kapag ang card na nasa

pitaka'y wala ring laman,

kapag ang nanay at tatay mo'y

walang maiabot pambaon

patungong eskwela at pangkain

sa tanghalian?

Bakit kailangang ikaw

ang ipambayad ko sa jeep, 

taxi, bus, o tricycle

para makapunta sa lugar

na aking pinapangarap.

Bakit kailangang ipunin ka

para mabili ang bag na maibigan

sa mall para sa nalalapit na pasukan?

Bakit kailangang may katumbas

na halaga ang bawat bagay sa

mundong ito na nilikha para

magmahalan at magbigayan

ang sangkatauhan?

Hindi ba pwedeng wala na lang?

Hindi ba pwedeng yakap na lamang

ang aking iabot sa mga kahera

ng tindahan sa mall na aking bibilhan?

'Salamat' na lang ang isusukli 

sa drayber ng jeep na nagdala 

sa lugar na nais puntahan

at kamayan na lamang si ateng

nag-abot ng kanin at ulam

para sa aking tanghalian?

Kailan magiging libre ang

malinis na hanging lalanghapin,

ang tubig na iinumin,

ang lupa't bahay na titirhan,

ang damit, sapatos, panty, brief,

bra, sabon, shampoo, at 

ang lahat ng gamit sa mundo?

Yan ang hindi ko alam. :P